Iha data 12 Marsu 2011, Enkontru Jerál membru PSHT Distritu Manatuto ne’ebé mak organiza hosi estrutura atuál PSHT Cabang Manatuto nian ho objetivu atu fahe informasaun ba Saudara Warga sira kona-ba progresu no obstaklu saida de’it mak organizasaun ne’e hasoru durante tinan 2010-2011.
Maizumenus Warga PSHT hamutuk ema 52 mak partisipa iha enkontru referee inklui Ranting hosi sub distritu balun iha Distritu Manatuto.
Tuir mai ha’u hakarak hato’o rezultadu enkontru ne’ebé hala’o durante oras 4 nia laran mak hanesan tuir mai ne’e:
1. Prezidente PSHT Cabang Manatuto relata ba membru sira kona-ba orsamentu Organizasaun nian ne’ebé mak agora daudaun iha tezoureiru nia gabinete hamutuk US$ 1,021.00.
2. Kontinua hala’o kontribuisaun ba planu dezenvolvimentu Organizasaun nian US$ 30.00 no mós kontribuisaun kada fulan nian US$ 1.00 no nia kolokasaun tuir ida-idak nia letin/angkatan pengesahan. Naran responsavel sira ami aneksa iha kraik.
3. Hahú tinan ida ne’e (tinan 2011) alunu sira ne’ebé treinu private sei tau hamutuk iha fatin ida. (kona-ba fatin treinu no pelatih sira estrutura mak sei determina)
4. No seluk tan mak importante liu katak tuir doutrina PSHT nian, Organizasaun ne’e sei la todan liu ba kualkér relijiaun, partidu polítika, kulit no seluk tan mak bele haketak esperitu PERSAUDARAAN. Tan ne’e estrutura apela ba membru sira atu labele lori attribute PSHT hodi ba tuir programa seluk ne’ebé mak relevante ho atividade Organizasaun PSHT nian, tanba atitude ida ne’e kontra ona doutrina PSHT nian.
5. Ikus liu, relasiona ho akuzasaun oioin ne’ebé mak agora daudaun mai hosi parte seluk hodi hatún Organizasaun PSHT nia naran, tan ne’e Estrutura mós apela ba membru sira atu kria unidade iha relasaun entre Warga PSHT nia laran, labele halimar ka hatún malu iha públiku nia oin, labele kria konflitu entre Warga maluk no mós ho ema liur. Tanba ne’e bele fó imajen ladi’ak ba ita nia Organizasaun.
Naran Responsavel sira ba kontribuisaun US$ 30.00 ho US$ 1.00 tuir ida-idak nian angkatan pengesahan.
01. Lorenso Morais 1993
02. Idi 1994
03. Luis Vicente 1995
04. Aneli 1996
05. Marito Ramos 1997
06. Avelino 1998
07. Xikito 1999
08. Atobi 2002
09. Laluk 2003
10. Ventura 2004
11. Inuk 2005
12. Maroman 2006
13. Domingos Savio 2008
14. Ricardo 2010 (1)
15 Agustinho 2010 (2)
